کیوں محبت پاگل کر دیتی ہے؟ (آصف ایمان)

Guest Author's picture

کیوں محبت پاگل کر دیتی ہے؟
اک بات سمجھ نہیں آتی
کیوں محبت پاگل کر دیتی ہے؟
کیوں آنکھوں میں بس
ایک ہی چہرہ رہتا ہے؟
کیوں دل میں بس
ایک ہی صورت بستی ہے؟
کیوں اسکی یاد اچانک
سوچوں کو جنگل کر دیتی ہے؟
اک بات سمجھ نہیں آتی
کیوں محبت پاگل کر دیتی ہے؟
کیوں کچھ نہ ہونے کا
ہر پل احساس رہتا ہے؟
کیوں بہت دور ہوتا ہے کوئی مگرپھر بھی
دل کے آس پاس رہتا ہے؟
کیوں میری ہر بات ادھوری رہتی ہے؟
کیوں وہ ہر بات مکمل کر دیتی ہے؟
اک بات سمجھ نہیں آتی
کیوں محبت پاگل کر دیتی ہے؟
کیوں من اسکی باتوں پہ
امید کا اک جہاں بساتا ہے؟
کیوں دل کے خالی کینوس پر
تصویر اسکی بناتا ہے؟
وہ میرا نہیں ہے‘ وہ میرا نہیں ہے
کیوں دماغ کی اس تکرار کو
دل کی آنکھ اوجھل کر دیتی ہے؟
اک بات سمجھ نہیں آتی
کیوں محبت پاگل کر دیتی ہے؟

No votes yet