Ghazal

warning: Creating default object from empty value in /home/freeurdupoetry/public_html/modules/taxonomy/taxonomy.pages.inc on line 33.
noorulain's picture

شکاری جس جگہ مردہ پڑا تھا/rafiq sandeelvi

شکاری جس جگہ مردہ پڑا تھا
وہ جنگل کا نشیبی راستہ تھا

ِادھر کھیتوں میں گیڈر رو رہے تھے
اُدھر باڑے میں کُتا بھونکتا تھا

تلاش اُس کو بھی کالے ریچھ کی تھی
مجھے بھی کوئی چیتا ڈھونڈنا تھا

اُسی کوئے کے بچے گم ہوئے تھے
جو اک چڑیا کے انڈے کھا گیا تھا

گھنے پیڑوں پہ بندر کُودتے تھے
کوئی خرگوش جھاڑی میں چھپا تھا

رفیق سندیلوی

Your rating: None Average: 5 (6 votes)
noorulain's picture

کسی گھاٹی کے اندر جا رہا تھا/rafiq sandeelvi

کسی گھاٹی کے اندر جا رہا تھا
مرے پاؤں تلے جو راستہ تھا

گھروں میں پھر بھی چوری ہو گئی تھی
اگرچہ شہر پر پہرا کڑا تھا

مری باتوں میں لکنت آگئی تھی
روانی سے مگر وہ بولتا تھا

نگر کو عاجزی کا درس دے کر
وہ خود فرعون بنتا جا رہا تھا

خطا اس سے بھی ہو سکتی تھی کوئی
خمیر اس کا بھی مٹی سے اٹھا تھا

رفیق سندیلوی

Your rating: None Average: 5 (5 votes)
noorulain's picture

میں جس لمحے ترا دُولہا بنا تھا/rafiq sandeelvi

میں جس لمحے ترا دُولہا بنا تھا
وہ لمحہ سات رنگا ہو گیا تھا

مرے کپڑے بھی اچھے لگ رہے تھے
تجھے بھی سرخ جوڑا سج رہا تھا

تری سکھیاں بھی تجھ کو چھیڑتی تھیں
مجھے بھی دوستوں کا سامنا تھا

تجھے ماں باپ رخصت کر رہے تھے
تری آنکھوں سے دریا بہ رہا تھا

قدم جب تو نے ڈولی میں رکھے تھے
ہوا میں کوئی نغمہ گھل گیا تھا

رفیق سندیلوی

Your rating: None Average: 5 (8 votes)
noorulain's picture

جمورا خون میں نہلا گیا تھا/rafiq sandeelvi

جمورا خون میں نہلا گیا تھا
مداری اپنی چھاتی پیٹتا تھا

سبھی پیروں نے مٹی چھوڑ دی تھی
اکیلا ریچھ چرخہ کاتتا تھا

ٹکا کر ڈگڈگی پر گال اپنے
خلا کی سمت بندر دیکھتا تھا

گلے کی کھردری رسی چھڑا کر
زمیں پر بکرا ٹکر مارتا تھا

کہیں اک کاٹھ کی گڑیا پڑی تھی
کہیں خیرات کا کپڑا بچھا تھا

رفیق سندیلوی

Your rating: None Average: 5 (9 votes)
noorulain's picture

ہمیں نے سنگسار اس کو کیا تھا/rafiq sandeelvi

ہمیں نے سنگسار اس کو کیا تھا
وہ زانی اس زمیں پر بوجھ سا تھا

اداسی میں نے خود تخلیق کی تھی
مجھے جو دکھ بھی تھا خود ساکتہ تھا

میں وہ ظالم تھا جس نے بچپنے میں
خود اپنے آپ کو اغوا کیا تھا

مساجد میں عبادت ہو رہی تھی
دلوں میں پھر بھی کوئی وسوسہ تھا

تری چاندی بھی میلی ہو گئی تھی
مری مے میں بھی پانی مل گیا تھا

رفیق سندیلوی

Your rating: None Average: 5 (6 votes)
noorulain's picture

کسی کُرے پہ اُلو بولتا تھا/rafiq sandeelvi

کسی کُرے پہ اُلو بولتا تھا
خلا چمگادڑوں سے بھر گیا تھا

فلک سے مکڑیاں چمٹی ہوئی تھیں
زمیں پر کیکڑا چپکا ہوا تھا

ستاروں کو بھی دیمک کھا رہی تھی
سنہرے چاند کو بھی گھن لگا تھا

کرن پر چھپکلی اوندھی پڑی تھی
نیولا روشنی سے لڑ رہا تھا

اندھیرا کیچوے کی چال چل کر
ہوا کے پیٹ میں داخل ہوا تھا

رفیق سندیلوی

Your rating: None Average: 5 (8 votes)
noorulain's picture

دسمبر کے دنوں کا واقعہ تھا/rafiq sandeelvi

دسمبر کے دنوں کا واقعہ تھا
میں البم دیکھ کر رونے لگا تھا

گھنے پتوں میں جگنو سو گئے تھے
خمار آنکھوں میں گہری نیند کا تھا

چھما چھم دوسری بارش ہوئی تھی
میں تنہا بالکونی میں کھڑا تھا

گلے ہم مل رہے تھے کہ اچانک
دمامہ کوچ کا بجنے لگا تھا

گلوں کی خوشبوئیں باسی ہوئی تھیں
پھلوں کا ذائقہ پھیکا ہوا تھا

رفیق سندیلوی

Your rating: None Average: 5 (10 votes)
noorulain's picture

سماں اس دم نماز ِ ظہر کا تھا/rafiq sandeelvi

سماں اس دم نماز ِ ظہر کا تھا
مرا دکھ سن کے سورج بجھ گیا تھا

بڑی شدت تھی میرے المیے میں
سمندر کا بھی پانی جل اٹھا تھا

ہوا تھا اک طلسماتی اشارہ
جہاں پر جو بھی تھا ساکن ہوا تھا

شجر آب ِ سیہ میں ڈوبتے تھے
گھنا جنگل بگولوں میں گھرا تھا

غلاف ِ گرد میں ہر شے تھی لیکن
مرا چہرہ دکھائی دے رہا تھا
رفیق سندیلوی

Your rating: None Average: 5 (7 votes)
Syndicate content