Movie
MUJHE JEENE DO
Singers
ASHA BHOSLE, CHORUS

maang mein bhar le rang sakhi ri
aanchal bhar le taare, milan ritu aa gayi
jaaegi tuu un sang sakhi ri
jo tohe laage pyaare, milan ritu aa gayi
milan ritu aa gayi

koi chaandi ke rath mein aaya hai
mere baabul, mere baabul ki raajadhaani mein
main use dekhati huun chhup-chhup kar
ek halachal si hai jawaani mein
tadake ik-ik ang sakhi ri
aaj kushi ke maare, milan ritu aa gayi
milan ritu aa gayi

surk chuuda hai meri baahon mein
surk joda mere badan par hai
sab ki nazarein hain mere chahare par
aur meri nazar sajan par hai
machali jaae umang sakhi ri
dhadakan kare ishaare, milan ritu aa gayi
milan ritu aa gayi

meri doli saja rahe hain kahaar
phuul bikhare hue hain raahon mein
jinaki baahon ki aarazuu thi mujhe
ja rahi huun main unaki baahon mein
angana laage tang sakhi ri
piya jab baanh pasaare, milan ritu aa gayi
milan ritu aa gayi

Theme by Danetsoft and Danang Probo Sayekti inspired by Maksimer